Өйткені ескі сөйлейтін сөз де қазіргі ,
Оранып ойға сезімнің өлген бәрі ізгі .
Жаңаның бәрі жамылғы жапқан жарысып , 
Қыз күні өткен қытымыр кемпір тәрізді .

Ескірді бәрі , 
Ескірді бәрі , 
Жаңа жоқ ,
Жасауға жаңа -
Жалын жоқ , 
Еп жоқ , 
Шама жоқ . 
Шаршатқан өмір шалдардан қалған десек те ,
Балдармен бірге былдырлайды олар бала боп .

Күншуақ қуып айналған үйді далада ,
Қартайған " бала " ,
Әр тайған " бала " - бала ма?
Ескірген ғұмыр ентігін әсте баса алмай ,
Елжірер енжар ескілеу көзбен жаңаға.

Темірдей шашын тарайтын темір тарағы ,
Темірдей ұлға тәбәрік болса , жарады.
Бас жағы - қызық ,
Ортасы - шыжық ,
Аяғы - 
Аяулы дүние аяңдап өтіп барады ...