Дін мен гуманизмнің бір қарағанда айырмашылығы жоқ, егіз ұғымдар секілді. Әйтсе де, екеуінің арасындағы айырмашылық жер мен көктей. Ұқсас жерлері де жоқ емес. Адамгершілікті насихаттау. Бірақ, тәсілдері бөлек. Қалай дейсіз ғой? Гуманизмде адамның бостандығы алдыңғы орынға шығады. Ал дінде белгілі бір шектеулер бар. Мәселен, гуманизмде қызтекелердің некесін жақтаса, дінде мұндай арсыздыққа тыйым салынады. Гуманизмде ауруы жанына батып, шыдатпаған сырқатынан құтылу үшін эвтаназия (науқастың өмірден өз еркімен кетуіне жағдай жасау) жасатуды алға тартса, дінде адамның өмірден өз еркімен кетуі ауыр күнәлардың бірі болып табылады. Гуманизм ұғымы аясында гендерлік саясат, т.б. жүзеге асырылып жатады. Бірақ, адам бостандығы мен оның Жаратқан берген бойындағы "мүмкіндігі" арасындағы айырмашылық ескеріле бермейді.