"Сен" дегенде, адамзаттың абзалы, селт етпейтін жан бар ма...

...десем дағы махаббатым толық тым
Жүрегіме үңілдiм де, қорықтым.
Сенi сүйген асхабыңның тiптi бiз
Тырнағына татымаймыз, соны ұқтым...

...сонда- дағы медет іздеп көңіліме
үңілдім ізгілікті өміріңе,
Сен дегенде жұбанған, сен деп соққан
Ұсынамын, жүректің төрі - міне!

Бұл - осы тақырыпқа енді қалам тербеп жүрген ақын Жібек Тоқсанбайдың өлеңі болатын. Пайғамбарымыз Мұхаммед /С.А.С/-ға деген сүйіспеншілігін тырнақалды шығармаларында осылай келтіріпті. Енді кемшін, олқы тұстары бар шығар, дегенмен, ешкім бірден классик болып туылмаған болар. Сондықтан, оған әлі оқу керек, көбірек іздену керек, көбірек жазу керек сияқты. Жалпы... "бұлақ көрсең көзін аш" дегендей, Жібекке ақ жол тілесек...